Неймар Саудия чемпионати Франциядан устунроқ деб ҳисоблайди.

Аввалроқ "ПСЖ"да ўйнаган "Ал-Ҳилол" ҳужумчиси Саудия Арабистони чемпионати Лига 1дан кучлироқ эканини айтган Криштиану Роналдунинг фикрига қўшилди.

"Бугун мен ҳам шундай деб ўйлайман. Саудия лигасининг савияси ошиб бормоқда ва мен кўрганимдек, у Лига 1дан яхшироқ. Лига 1нинг ўзига хос афзалликлари бор. У жуда кучли. Мен у ерда ўйнаганман, шунинг учун мен буни яхши биламан. Ваҳоланки, бугунги кунда Саудия чемпионатидаги футболчилар яхшироқ.

Саудия Арабистони мени ижобий томондан ҳайратда қолдирди. Одамлар, мамлакат, шаҳарлар, маданият. Менимча, бу мамлакат доимо ривожланиб бормоқда. 2034 йилда у жаҳон чемпионатига ҳам мезбонлик қилади, менимча, бу ақл бовар қилмайдиган бўлади", - деди бразилиялик футболчи.