Саудиянинг “Ал-Ҳилол” клуби ҳужумчиси Неймар ўз фаолиятидан мамнун.

“Фаолиятим бошидан бери кўп нарса ўзгарди. Йиллар давомида мен кўп нарсаларни ўргандим, қийинчиликларга дуч келдим, лекин ҳамма нарсани енгишга муваффақ бўлдим.

Мен кутганимдан ҳам кўпроқ нарсага эришдим. Фаолиятимдан, қилган барча ишларимдан, қаерда ўйнаганимдан жуда мамнунман.

Албатта, баъзида маълум бир вазиятда нима қилиш мумкин эди, деб ўйлайсиз, аммо буларнинг барчаси футболнинг бир қисми.

Сиз ҳеч қачон барча совринларни юта олмайсиз. Мен эришган нарсамдан жуда мамнунман", - дея Неймарнинг сўзларини келтиради CNN.