"Бавария" ярим ҳимоячиси Жошуа Киммих фаолиятини "Ливерпул"да давом эттириши мумкин. Журналист Кристиан Фалкнинг ёзишича, мерсисайдликлар Мюнхен клуби билан шартномаси шу ёзда якунига етадиган 29 ёшли ярим ҳимоячи билан шартнома имзолаш имкониятини кўриб чиқмоқда.
Киммих хизматларига "Барселона" ҳам қизиқиш билдираётгани аввалроқ хабар қилинганди. Жорий мавсумда германиялик барча турнирларда 24 та учрашувда иштирок этиб, битта гол урди ва 6 та голли узатмани амалга оширди.
Нуфузли Transfermarkt портали маълумотларига кўра, Киммихнинг нархи 50 миллион еврони ташкил қилади.
