"Реал Мадрид" бош мураббийи Карло Анчелотти Килиан Мбаппенинг ўйини ҳақида ўз фикрлари билан ўртоқлашди.
Франциялик футболчи Испания Суперкубоги ярим финалида "Мальорка"га қарши ўйинда (3:0) гол ура олмади, аммо италиялик мураббийни ҳайратда қолдира олди.
"Мбаппе жуда яхши ўйнайди, лекин мен унинг максимал савиясини ҳам билмайман. Килианга хос фазилатларни ҳисобга олсак, у ҳамма нарсага эриша олади.
У ажойиб ишлаяпти, лекин бугундан эмас, декабрдан бери. У кўп гол урмоқда, яхшиланмоқда", - дея Анчелотти сўзларини келтиради Madrid Universal.
