Қозоғистон футбол федерацияси бошқарувчи директори Кайсар Бекенов мамлакат терма жамоаси бош мураббийи Станислав Черчесовнинг фаолияти ҳақида ўз фикри билан ўртоқлашди.
"Черчесов Қозоғистон терма жамоаси билан ишлашда давом этмоқда. У федерация президенти билан учрашди, улар жаҳон чемпионати саралашига тайёргарлик режасини муҳокама қилишди. Мартгача оз вақт қолди, ҳеч қандай ўзгаришлар кутилмайди, ҳаммаси иш жойида.
— Оммавий ахборот воситаларида Черчесов ишдан бўшатилади деган хабарларга қандай қарадингиз?
- Федерация ва Станислав Саламовичнинг ўзи бу миш-мишлар эканлигини ва ҳеч қандай расмий маълумот йўқлигини айтди. Кейинги воқеалар буни тасдиқлади. Ҳаммаси жойида, ўйинларга тайёргарлик кўряпмиз" деди Бекенов "Матч ТВ" билан суҳбатда.
Россиялик мутахассис ўтган ёзда Қозоғистон терма жамоасини қабул қилиб олганди. Бу даврда Қозоғистон терма жамоаси унинг бошчилигида УЕФА Миллатлар лигасининг олтита ўйинида қатнашиб, бешта мағлубият ва бир дуранг қайд этган.
