“Наполи” клуби вингери Хвича Кварацхелия “ПСЖ”га ўтишга яқин турибди. Фабрицио Романонинг ижтимоий тармоқлар орқали хабар беришича, футболчи меҳнат шартномасини имзолаш учун Парижга келган.
Яқин вақт ичида у тиббий кўрикдан ўтади. Аввалроқ матбуотда Кварацхелиянинг парижликлар билан шартномаси 2029 йилнинг ўрталарига қадар амал қилиши ҳақида хабарлар тарқалганди. Трансфер суммаси 70 миллион евро атрофида бўлади.
Италия чемпионатининг жорий мавсумида ярим ҳимоячи неаполликлар сафида 17та ўйинда иштирок этган. Кварацхелия бешта гол урди ва учта голли узатмани амалга оширди.
