Инсайдер Фабрицио Романонинг хабар беришича, Англия терма жамоаси ва "Манчестер Сити" ҳимоячиси Кайл Уокер "Милан"га ўтишга рози бўлди.
Манбанинг хабарига кўра, яқин икки кун ичида англиялик қанот ҳимоячисининг трансфери бўйича музокараларнинг якуний босқичи бўлиб ўтади.
Эслатиб ўтамиз, Кайл 2017 йилдан буён "Манчестер Сити"да ўйнаб келмоқда. Умуман олганда, ҳимоячи “шаҳарликлар” сафида 319 та ўйинда иштирок этиб, 6 та гол урди ва 23 та голли узатмани амалга оширди. 34 ёшли футболчининг клуб билан шартномаси 2026 йилнинг ёзига қадар тузилган ва унинг трансфер қиймати ўн миллион еврога баҳоланмоқда.
