Қатарга қарши ўйиндан кейин (1:1) Озарбойжон терма жамоаси бош мураббийи Берти Фогтс ўз фикрлари билан ўртоқлашди.

"Ушбу ўйинни ўтказганимиздан хурсандман. Люксембургга қарши муҳим ўйин олдидан футболчиларнинг ҳолатини кўздан кечириб олиш мен учун муҳим аҳамиятга эга эди. Футболчиларнинг барчаси ушбу тестдан ўта олишмади. Улар терма жамоага келишдан олдин 10-12 кун шуғулланишмагандек тасаввур уйғотишди. Назаримда, терма жамоа аъзоларидан айримларини мен ҳаддан ташқари яхши кўраман.

Нима учун иккинчи таймда яхши ўйнай бошладик? Бу фақат ўйинчи алмаштиришлар билан боғлиқ эмас. Гап футболчиларнинг ўйинга нисбатан муносабатида. Оддий учрашувларда бизнинг ўйинимиз яхшироқ чиқади. Яхшиямки, иккинчи бўлимда рақибга нисбатан тезроқ ҳаракат қилдик ва рақибга нисбатан яхшироқ тайёргарликка эга эканлигимизни исботладик. Умуман олганда, иккинчи бўлимдан қониқиш ҳосил қилдим. Ушбу ўйин Люксембургга қарши ўйин олдидан яхши синов бўлди.

Ушбу ўйин Қатар учун ҳам муҳимлигин унутмаслик лозим. Уларни олдинда Эронга қарши муҳим ўйин кутиб турибди. Агар улар 2та ўйинда ғалаба қозонишса, жаҳон чемпионатига чиқишади. Улар ФИФА рейтингида бизга нисбатан олдинда жойлашишган", дейди Берти Фогтс.