"Реал Мадрид" мухлислари яқинда "Сельта"га қарши ўйинда жамоага нисбатан хуштакбозлик қилишди. Бу Испания Суперкубоги финалида "Лос Бланкос"нинг "Барселона"дан 2:5 ҳисобида мағлуб бўлишига муносабат бўлди.

Мадридликлар ҳужумчиси Килиан Мбаппе бу ҳуштакбозлик ҳақида фикр билдирди.

"Мен бундай босимга муҳтож футболчиман. "Сельта"га қарши ўйинда бизга нисбатан ҳуштакбозлик қилишди, аммо бу нормал ҳолат. Агар сиз ғалаба қозонмасангиз, одамларнинг норози бўлишлари одатий ҳолдир. Бизнинг вазифамиз буни ўзгартиришдир. Якшанба куни яхши ўйнадик, бизда ўзгариш ва яхши ўйнаш учун характер бор. Одамларнинг бизга нисбатан ҳуштакбозлик қилишлари билан бизда муаммо йўқ. Мен ҳуштакларбозликларни тушунаман, ҳеч қандай муаммо йўқ, лекин бирдамликни йўқотмайлик" - деди Мбаппе журналистларга.

Чоршанба куни Мадриднинг "Реал" клуби Чемпионлар лигаси доирасида "Ред Булл Зальцбург"га қарши баҳс олиб боради.