Хулиан Альварес Чемпионлар лигасининг жорий мавсумида 7 та ўйинда 6 та гол урди.
УЕФА Чемпионлар лигаси умумий босқичининг 7-турида "Атлетико" "Байер"ни мағлуб этди (2:1).
Мадридликлар ҳужумчиси Хулиан Альварес ушбу учрашувда 52-дақиқада ҳисобни тенглаштирган бўлса, 90-дақиқада ғалаба голини киритди.
Шу тариқа, аргентиналик Европадаги энг нуфузли еврокубок турнирининг 7 та ўйинида 6 та гол урди.
У ўзининг рекордини янгилади: "Манчестер Сити" сафида Альварес ўтган мавсумда Чемпионлар лигасида 7 та ўйинда 5 та гол урганди.
"Атлетико" жорий мавсумда 90-дақиқада ёки ундан кейин 13 та гол урди.
Аргентиналик ҳужумчи сўнгги 12 ўйинда 9 та гол урди.
