"Барселона" Чемпионлар лигасидаги муваффақиятли сериясини узайтирди.

Бугун Ханси Флик жамоаси "Бенфика" устидан 5:4 ҳисобида ғалаба қозонди.

Умумий босқичнинг 1-турида мағлубиятга учраганидан сўнг, каталонияликлар кетма-кет олтита ғалабага эришди. Ушбу давр мобайнида Португалия клубидан ташқари "Янг Бойз" (5:0), "Бавария" (4:1), "Црвена Звезда" (5:2), "Брест" (3:0) ва Дортмунднинг "Боруссия" (3:2) жамоалари ҳам мағлуб этилди.

Охирги марта "Блауграна" 2014/15 йилги мавсумда кетма-кет олтита ЧЛ ўйинида ғалаба қозонишга муваффақ бўлганди.

Якуний турда "Барселона" "Аталанта"ни қабул қилади - бу 29 январь куни содир бўлади.