Римнинг "Лацио" клуби Европа лигаси ўйини арафасида "Реал Сосьедад" мухлислари ва ўз мухлислари ўртасидаги тунги муштлашув юзасидан баёнот берди.
Бу ҳақда "бургутлар" матбуот хизмати хабар берди.
"Биз кеча содир бўлган воқеалар бўйича текширув ўтказилишини кутамиз ва ҳар қандай зўравонлик кўринишларини тўлиқ қоралаймиз. Агар ҳуқуқ-тартибот идоралари фаолияти натижаларига кўра, мухлисларимизнинг иштироки аниқланса, клуб ўта қаттиққўллик билан ҳаракат қилади", - дейилади хабарда.
Эслатиб ўтамиз, маҳаллий ОАВ маълумотларига кўра, тўқнашув вақтида уч нафар мухлис пичоқланган.
Ҳозирда полиция муштлашув жойидан олинган видеоёзувларни ўрганмоқда, чунки ИИВ вакиллари етиб келганида "бургутлар"нинг фаол мухлислари аллақачон воқеа жойини тарк этишган.
"Лацио"– "Реал Сосьдад"учрашуви бугунга белгиланган.
