"ПСЖ" бош мураббийи Луис Энрике жамоанинг янги футболчиси, "Наполи"дан келиб қўшилган Грузия терма жамоаси вингери Хвича Кварацхелиянинг жисмоний тайёргарлигига баҳо берди.

18 январь куни "ПСЖ" Кварацхелия билан 2029 йилнинг ёзига қадар шартнома имзолаганини эълон қилди.

"Футболчини сотиб олсангиз, у жамоани яхшилашига ишонасиз. У қачон майдонга тушишини билмайман, бу машғулотларга боғлиқ. Жамоамизнинг савияси туфайли бу унчалик осон эмас. Унинг қачон ўйнашни бошлаши муҳим эмас. Бу бизнинг динамикамизга мос келиши муҳим.

Жисмоний жиҳатдан у жуда яхши. Кўряпмизки, у ҳеч қандай муаммосиз шуғулланади. У тайёр", - дея Энрикенинг сўзларини келтиради RMC Sport.