Opta суперкомпьютери ҳисоб-китобларига кўра, «Ливерпуль» жамоаси Англия Премьер-лигасининг жорий мавсумида чемпионликни қўлга киритади. Мерсисайдликларнинг совринга эга чиқиш эҳтимоли 92,7 фоизга тенг дея баҳоланди.

Арне Слот жамоаси 22 ўйиндан сўнг 53 очко жамғарган ва 6 очко фарқ билан «Арсенал»дан олдинда бормоқда. Шунингдек, "Ливерпуль" битта захира ўйини мавжуд.

Opta мавсумнинг қолган қисми учун ўйинлар натижалари бўйича 10.000 хил вариантни кўриб чиқиб, фаворитларнинг чемпионлик эҳтимолини ҳисоблади:  

1. «Ливерпуль» – 92,7%;  
2. «Арсенал» – 7,1%;  
3. «Манчестер Сити» – 0,2%;  
4. «Челси» – 0,03%;  
5-6. «Ньюкасл» – 0,02%;  
5-6. «Борнмут» – 0,02%.