Opta платформасининг суперкомпьютери Премьер-лига жамоаларининг жорий мавсум чемпионлик унвонини қўлга киритиш имкониятлари ҳақидаги маълумотларни янгилади.

Бу ҳақда платформанинг Х ижтимоий тармоғидаги расмий аккаунтида билиб олишингиз мумкин. Шундай қилиб, 23-турдан сўнг чемпионатда ҳамон ғалаба қозониш учун асосий даъвогар "Ливерпул" бўлиб турибди.

Унинг умумий муваффақият даражаси 92,7% га баҳоланмоқда. Иккинчи ўринда Лондоннинг “Арсенал” клуби (7,1% эҳтимол) эгаллади.

“Манчестер Сити” кучли учликка номзодларни якунлаб берди (0,2%). Кейинги ўринларда "Челси" (0,03%), "Ньюкасл" ва "Борнмут" (ҳар бири 0,02%) бормоқда.