"Реал" ҳужумчиси Килиан Мбаппе ўзини жамоага тўлиқ мослашган деб ҳисобламоқда.
Франциялик футболчи Мадридга кўчиб ўтган дастлабки ойларидаёқ тез-тез танқид остига олинди, бироқ яқинда форвард "ПСЖ"даги фаолияти давомида ҳамма ўрганиб қолган маҳсулдорликни намойиш эта олди.
26 ёшли футболчи “Лос-Бланкос” сафида ўтказган сўнгги бешта ўйинида саккизта гол урди, жумладан “Вальядолид”га қарши ўйинда (3:0) хет-трик қайд этди.
"Мен ҳужумнинг барча позицияларида ҳам ўйнай оламан - тепада, чапда ва ўнгда. "Реал Мадрид"даги мослашиш даврим тугади", деди Мбаппе шанба кунги Ла Лига ўйинидан кейин берган интервьюсида.
