"Манчестер Юнайтед" бош мураббийи Рубен Аморим Алехандро Гарначо ҳақидаги янги саволга жавоб берди.

Охирги кунларда аргентиналик вингернинг тез орада кетиши ҳақида фаол гаплар кетмоқда. "Наполи" ва "Челси" 20 ёшли "қизил иблислар" футболчисини ўз сафларида кўрмоқчи.

"Гарначо бизнинг футболчимиз, мен ундан мамнунман. У анча яхшиланди ва пайшанба куни Европа Лигаси доирасидаги “Рейнжерс”га қарши жуда яхши ўйин ўтказди деб ўйладим.

У жуда ёш, шунинг учун тезда тузалиб кетади. Биз Гарначонинг барча иқтидорини ишга солмоқчимиз, у бизга ғалаба қозонишимизга ёрдам беради", деди Аморим.