Франциянинг “Марсель” футбол клуби Италиянинг “Наполи” клуби ҳужумчиси Жованни Симеонени ўз сафига қўшиб олмоқчи.
Француз клубининг аргентиналик ҳужумчига қизиқиши “Марсель” ҳужумчиси Элли Ваи “Айнтрахт”га ўтганидан кейин пайдо бўлган. Бу борада жамоа бош мураббийи Роберто Де Зерби ҳужумчи ўрнини мустаҳкамлаш истагини билдирди ва Симеоне билан вариант энг жозибадор кўринади.
Симеоне жорий мавсумда барча турнирларда 21 та ўйин ўтказиб, 2 та гол урди ва 2 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган.
