"Манчестер Юнайтед"нинг собиқ футболчиси Пол Скоулзнинг фикрича, ҳужумчи Маркус Рэшфорд жамоани тарк этиши керак.

"Менимча, Рэшфорд ўзининг хатти-ҳаракати билан кўпчиликни хафа қилган ва балки менежер шу ҳақида гапираётгандир. Жамоадаги ёш футболчиларни ўйлаб кўринг, Алехандро Гарначо эсга тушади. Улар Маркус каби одамлардан ўрнак олишади, у 27 ёшда, у машқ қилмайди ва тўғри яшамайди.

Ҳа, у ўйинларда қатнашишдан бош тортмайди, балки машғулотлари, ўзини тутиши... Қайсидир маънода жамоа билан ишлашни истамаслиги, жамоадошларини хафа қилиши, кийим алмаштириш хонасига киритмаслик кераклиги ҳақида гапиради.

Агар шундай давом этса ва ёш футболчилар кўз ўнгида, у "Манчестер Юнайтед"ни имкон қадар тезроқ тарк этгани маъқул", деди собиқ футболчи.