Европа чемпионлари лигаси гуруҳ босқичининг 8-тур доирасида "Зальцбург" ўз майдонида "Атлетико"ни қабул қилади.
"Атлетико" бош мураббийи Диего Симеоне ўйиндан олдин ташкил этилган матбуот анжуманида иштирок этди.
"Турнир янги форматда бошланганида кучли саккизликка киришга умид қилгандик. Бу қийин бўлишини билардик ва бундан кейин ҳам шундай бўлади. Бугун ғалаба қозониш қанчалик қийинлигини тушунамиз. Ким олдинга ўтиши мумкин, ким ўта олмаслиги ҳақида кўп ўйламайман. Ўйинда бор эътиборимни ғалаба қозонишга қаратганман. Катта жамоалар ҳар доим қийин вазиятлардан чиқиб кетишади ва улар якунда Чемпионлар лигаси учун курашишларига шубҳа қилмайман" - деди "Атлетико" устози УЕФА расмий сайтига.
