"Боруссия" посбони Грегор Кобель ЕЧЛнинг умумий гуруҳ босқичи 8-тур доирасида "Шахтёр"га қарши бўлиб ўтадиган ўйин олдидан ўз фикрларини билдирди.
"Вақтинчалику бош мураббий Майк Тулльберг биринчи кунданоқ ўзига жуда ишонди. У том маънода энергия билан портламоқда. Натижаларни тезда кўрсатишни бошлашимиз муҳим. Бизда қийин вазият бор. Биз Дортмунднинг "Боруссия"си эканлигимизни унутмаслигимиз керак. Жамоамизга хос бўлган фазилатларни қайтадан кашф этишимиз муҳим" - деди "Боруссия" посбони Грегор Кобель УЕФА расмий сайтига.