Бен Чилуэлл Энцо Марескага керак эмасдек туюлганди. Ўтган ёзда "Челси" бош мураббийи чап қанот ҳимоячисига янги жамоа топишни маслаҳат берганди. Чилуэлл мавсумнинг биринчи ярмида Лига кубоги учун битта ўйинда атиги 45 дақиқа ўйнади.
Бен қишда албатта клубини ўзгартирадигандек туюлди, аммо энди унинг трансфер имкониятлари камайиб кетди. Чилуэлл ёзгача "Челси"да қоладиган кўринади, деб хабар беради Daily Mail.
Бен Чилуэллнинг "Челси" билан амалдаги шартномаси 2027 йилнинг ўрталарига қадар тузилган. Transfermarkt портали 28 ёшли футболчини 20 миллион еврога баҳоламоқда.
