"Ливерпуль" бош мураббийи Арне Слот ярим ҳимоячи Доминик Собослаининг ўйинидаги яхшиланишлар ҳақида гапирди.
Нидерландиялик мураббий яқинда 24 ёшли венгерни кам баҳоланган футболчи деб билишини тан олганди.
"Ўйлашимча, сўнгги ҳафталар ёки ойларда у хавфли ҳужумларда кўпроқ иштирок эта бошлади, баъзида ассистентлик қилди ва гол урди.
Охирги баҳсда у иккита гол уришга ҳисса қўшди. У бунга лойиқ, чунки у кўп куч сарфлайди ва ажойиб техникага эга.
Мен ҳар доим унинг голлар ва голли узатмаларда қатнашишини вақт масаласи деб ўйлардим", деди Слот шанба куни "Борнмут"га қарши Премьер-лига баҳси олдидан.
