Ярим ҳимоячи Каземиро «Манчестер Юнайтед» билан шартномаси якунланганидан сўнг «Интер Майами»га ўтмоқчи, дея хабар бермоқда инсайдер Фабрицио Романо.

Манбанинг маълумотларига кўра, 34 ёшли бразилиялик футболчи АПЛнинг сўнгги — 38-туридан ўрин олган «Брайтон»га қарши ўйиндан кейин Америка клуби билан шартнома имзолаш ниятида. Ушбу учрашув 24 май куни бўлиб ўтади ва Тошкент вақти билан соат 20:00 да бошланади.

Каземиро Манчестер клуби шарафини 2022 йилдан бери ҳимоя қилиб келмоқда. Жорий мавсумда ярим ҳимоячи барча турнирларда 35 та учрашувда майдонга тушиб, 9 та гол урди ва 2 та голли узатмани амалга оширди. Унинг «Манчестер Юнайтед» билан амалдаги битими 2026 йилнинг июнь ойи охиригача мўлжалланган. Transfermarkt портали футболчининг трансфер баҳосини 8 миллион еврога баҳоламоқда.

Каземиро фаолияти давомида аввалроқ «Реал», «Порту» ва «Сан-Паулу» клубларида ҳам тўп сурган.