Англия клуби "Црвена Звезда"дан 22 ёшли марказий ҳимоячи Носир Джига трансферини якунлади. Футболчи билан шартнома яна бир йилга узайтирилиши мумкин бўлган 2030 йилгача тузилган.
"Вулверхэмптон" бу трансфер учун тахминан 10 миллион фунт тўлайди. Жорий мавсумда футболчи Сербия чемпионатида 17 та ўйин ўтказиб, 2 та гол уришга эришди.
Шунингдек, инглиз жамоаси "Реймс"дан 28 ёшли марказий ярим ҳимоячи Маршалл Мунецининг трансфери бўйича келишувни ҳам эълон қилди.
"Вулверхэмптон" бу трансфер учун 16 миллион фунт тўлайди. Мунеци жорий мавсумда Лига 1да 19 та ўйинда майдонга тушиб, 4 та гол урди.
