Трент Александр-Арнольд жиддий жароҳатдан қутулиб қолди.
"Ливерпуль" ҳимоячиси АПЛнинг 24-тури доирасида "Борнмут"га қарши ўйинда (2:0) сонини жароҳатлаб олди ва 70-дақиқада алмаштирилди.
«The Times» нашрининг ёзишича, текширувлар футболчининг "ҳафталар ўрнига бир неча кун"га сафдан чиқишини кўрсатган. Бироқ клуб футболчининг соғлиғини хавф остига қўймоқчи эмас - Трентнинг 12 февраль куни бўлиб ўтадиган "Эвертон" билан дерби олдидан майдонга тушиши даргумон.
Шу боис англиялик футболчи Лига кубоги ярим финалида "Тоттенхэм"га қарши жавоб ўйинида ва Англия кубогининг 4-турида "Плимут"га қарши ўйинда иштирок этмайди.
