"Манчестер Юнайтед" ҳужумчиси Расмус Хойлундга "Вест Хэм" қизиқиш билдирмоқда.
Даниялик футболчи 2023 йилнинг ёзида "Аталанта"дан 75 миллион еврога сотиб олинганди, аммо "қизил иблислар"нинг умидларини ҳали оқлай олмади. Журналист Фрейзер Флетчернинг сўзларига кўра, 22 ёшли футболчини "Вест Хэм" ёздаги трансфер ойнасидаги мақсадларидан бири сифатида белгилаган. "Манчестер Юнайтед" футболчи учун 40 миллион фунт стерлинг (48 миллион евро) сўрайди.
Расмус Хёйлунн жорий мавсумда Премьер-лигада 19 та ўйинда майдонга тушиб, 2 та гол урди. Форварднинг манкунианликлар билан амалдаги шартномаси 2028 йилнинг ўрталарига қадар тузилган.
