"Реал" хужумчиси Гонсало Игуаин Мадрид клубидан кетиши эълон қилди.

"Мадриддан кетаман. Бу ерда етти йил давомида ўйнаб келдим. Қарор қабул қилинган. Муҳитни ўзгартиргим келди.

Ўтган йили мураббий ва сафдошларим мени бу қароримдан қайтаришганди. Аммо бу сафар қарорим қатьий. Буни оилам билан ҳам муҳокама қилдик.

Ҳозир "Реал" мени сотиб олганидан анча кўпроқ маблағ эвазига сотиши мумкин. Мен "Реал"да совринлар ютдим, жамоага сардорлик қилдим. Исмимни мухлислар ҳурмат билан тилга олишади. Бундан бахтлиман.

Қаерга кетяпман? Ҳозирча бир қарорга келганим йўқ. Кетишим ҳақида "Реал" билади. Менда "Ювентус"дан аниқ таклиф бор, лекин ҳозирча қаерга ўтишимни билмайман", дейди Игуаин.

Эслатиб ўтамиз, аввалроқ "Ювентус" ва Игуаин ўзаро 4 йиллик шартномага келишиб олишгани, футболчининг янги клубдаги маоши бонуслардан ташқари йилига 4,5 миллион евро бўлиши ҳақида хабар қилинганди.