"Арсенал" собиқ футболчиси Андрей Аршавин "Реал Мадрид"нинг жорий мавсумдаги муаммоларига изоҳ бериб, "қаймоқранглилар" таркибида яхши ҳимоячилар йўқлигини таъкидлади.
"Реал Мадрид"да ҳимоячи йўқ ва узоқ вақтдан бери йўқ. Шунчаки, энди улар сафига Рюдигер ҳам қўшилди. "Барселона"га қарши бу мағлубиятлар шунчаки ҳимоясиз ўйнашлари билан боғлиқ.
Суперкубокда аслида иккита ҳимоячи бор эди. Ямал Тчуамени ёнидан худди биз офисдаги хавфсизлик ходимлари олдидан ўтганимиздек ўтиб кетди.
Ўнг томонда бўйи бир метр, 20 сантиметр бўлган Васкес ҳеч нарса қила олмади. "Реал Мадрид"нинг ҳимоядаги муаммолари кўриниб турибди", деди Аршавин Матч ТВ телеканалида.
