“Женоа” марказий ярим ҳимоячиси Руслан Малиновский ўзининг собиқ жамоаси “Аталанта” ҳақидаги фикрлари билан ўртоқлашди.

"Биринчидан, бу Жан Пьеро Гасперини ва клуб раҳбарияти, президент бошчилигида. Улар ажойиб тизимни қурдилар. Клуб анча ўсди ва тўғри йўналишда кетмоқда.

Мураббийнинг фикри аниқ ва клуб дарҳол ўзи хоҳлаган футбол ўйнаган футболчиларни таклиф қилади. Айнан шунинг учун "Аталанта" ривожланмоқда. Битта жумбоқни ташкил этувчи кўплаб қисмлар мавжуд - бош мураббий ва бошқарувдан тортиб, футболчиларгача. Бу клуб ўз ишини барча даражаларда жуда тўғри ва малакали тузган", - дейди Малиновский.

31 ёшли украиналик футболчи 2019 йилдан 2023 йилгача “Аталанта” сафида тўп тепган. У бергамоликлар сафида 143 та ўйинда майдонга тушиб, 30 та гол ва 28 та голли узатмага муаллифлик қилган.