"Барселона" президенти Жоан Лапорта маълум шартлар билан Неймарни таклиф қилиш мумкинлигини истисно қилмаяпти.
Бразилиялик футболчининг "Сантос" билан шартномаси жорий йилнинг ёзига қадар мўлжалланган бўлиб, у Европага мавсумлар оралиғида кўчиб ўтиши мумкин. Журналист Хоан Фонтеснинг маълум қилишича, Лапорта Неймарга "Барселона"га фақат эркин агент сифатида қайтиши мумкинлигини айтган. Бундан ташқари, 33 ёшли футболчи ўз даражасини исботлаш учун яқин ойларда ватанида ёрқин ўйин кўрсатиши керак бўлади.
Неймар январь ойи охирида Саудия Арабистонининг "Ал-Ҳилол" жамоаси билан хайрлашиб, "Сантос"га қайтганди.
