"Ливерпуль"нинг собиқ футболчиси Жейми Каррагернинг фикрича, "Челси" жорий мавсум якунларига кўра Чемпионлар лигасига чиқиши шарт.
"Сўнгги йилларда "Челси" лойиҳаси истиқболли деб ҳисобланарди, аммо ҳозир хавотирга ўрин бор, деб ўйлайман. Ўтган мавсум якунида жамоа Почеттино даврида ажойиб ўйин кўрсатди. Менимча, асосий рақамларга қарайдиган бўлсак, ўтган ва жорий мавсумлар ўртасида катта фарқ бўлмайди.
Чемпионлар лигасига чиқа олмаслик "Челси" учун муаммо бўлади. Клуб футболчиларга катта маблағ сарфламоқда", - дея Каррагернинг сўзларини келтиради BBC.
