"Бетис" спорт директори Антонининг имкониятлари ҳақида гапирди.
"Манчестер Юнайтед"дан ижарага олинган вингер кетма-кет учта ўйинда гол урди ва ҳар бир учрашувда энг яхши футболчи деб топилди.
"Биз барчамиз Антонининг ўйин услуби, бу клуб ва мухлислар қанчалик фарқ қилиши ва биринчи кунданоқ унинг футболчиларга қандай муносабатда бўлишидан хабардор эдик. Биз Антони савиясидан асло ажабланмадик, у худди шу руҳда давом этаверсин.
Кейинги мавсум ҳақида гапиришга ҳали эрта, умид қиламанки, у яхши ўйинлар кўрсатишда ва гол уришда давом этади. Вазият қандай бўлишини келажакда кўрамиз", - деди Ману Фажардо.
