ОФК Элит Чемпионлар Лигасининг 8-тур ўйинлари 17 февраль, душанба куни бўлиб ўтди.

Тошкентнинг “Пахтакор” жамоаси ўз майдонида “Ас-Садд”ни қабул қилди. Учрашув давомида бир қатор хавфли вазиятлар яратилди.

Учрашувнинг 18-дақиқасида “Пахтакор” аъзоси Брайан Риаскосни ҳисобни очди. 37-дақиқага келиб Ҳасан Ал-Ҳайдос пенальтидан ҳисобни тенглаштирди.

Ўйиннинг 56-дақиқасида эса “Пахтакор” аъзоси Жонатан Лукканинг жаримадан йўллаган зарбаси рақиб “жонли девор”ига тегиб қайтди, қайтган тўпни Риаскос бош билан “Ас-Садд” дарвозасига киритди.

65-дақиқада меҳмонлар вакили Адам Муҳаммад Унас ва “шерлар” ярим ҳимоячиси Сардор Собирхўжаев ўртасида тортишув юзага келди ва ҳар икки футболчи майдондан четлатилди.

"Пахтакор" ушбу ғалабадан кейин Элит Чемпионлар лигаси жадвалида 7 очко билан 7-ўринга кўтарилди.

"Шерлар" плей-оффга чиқиш учун Эроннинг "Персеполис" ва "Истиқлол" клублари 8-турда очко йўқотиши ёки Қатарнинг "Ал-Ғарафа" жамоаси мағлуб бўлиши керак (мазкур 3 та шартдан 2 таси бажарилиши керак).

Элит Чемпионлар Лигаси, 8-тур баҳси
17 февраль, душанба
“Пахтакор” - “Ас-Садд” 2:1
Голлар: 1:0 – 18, Брайан Риаскос, 1:1 – 37, Ҳасан Ал Ҳайдос, 2:1 – 56, Брайан Риаскос
“Пахтакор”: Жонатан, Ҳожиакбар Алижонов, Абдулла Абдуллаев, Шаҳзод Азмиддинов, Умар Адҳамзода, Жонатан Лукка, Сардор Собирхўжаев, Достон Ҳамдамов (Улуғбек Ҳошимов, 80), Диёр Холматов (Абдурауф Бўриев, 80), Фламарион (Отабек Жўрақўзиев, 87), Брайан Риаскос (Башар Ресан, 72).
“Ас-Садд”: Аш Шиб, Атал (Хидир, 80), Буносир, Ҳуҳи, Ал Язиди (Абдулатиф, 80), Унас, Гиллерме (Сайёр, 32), Бақир, Ал Ҳайдос, Абдурисаг (Мухика, 72), Кристо.
Огоҳлантиришлар: Собирхўжаев (49), Буносир (55).
Четлатишлар: Унас (65), Собирхўжаев (68), Азмиддинов (90+9).