"Байер" ярим ҳимоячиси Флориан Вирц келаси ёздаёқ клубини ўзгартириши мумкин.

Олдин ҳам "доришунослар" етакчиси шартномасини узайтириб, клуби билан камида 2026 йилнинг ёзига қадар қолишни режалаштираётгани ҳақида кўп марта хабар берилганди, аммо жорий мавсум якунланганидан кейин ёш юлдузнинг кетиши ҳамон истисно этилмаяпти. Журналист Грем Бейлининг фикрича, 21 ёшли ҳужумкор ярим ҳимоячи бош мураббий Хаби Алонсо кетса, яқинлашиб келаётган трансфер ойнасида "Байер"ни тарк этиши мумкин. Эслатиб ўтамиз, испаниялик мураббий "Реал Мадрид"да Карло Анчелотти ўрнига номзод сифатида кўрилмоқда.

"Бавария" ва "Реал Мадрид", шунингдек, Англиянинг "Манчестер Сити", "Арсенал" ва "Ливерпуль" клублари Флориан Вирц учун курашга тайёр.