"Манчестер Юнайтед" қийин даврни бошдан кечирмоқда ва ҳозирда АПЛ турнир жадвалида 15-ўринда бормоқда.
Ноябрь ойида жамоани қабул қилиб олган Рубен Аморим учта марказий ҳимоячидан иборат тактик моделига амал қилди.
Шу билан бирга, Daily Mail журналистларининг аниқлашича, футболчиларнинг Аморим усулларига бўлган ишончи сўниб бормоқда.
"Манчестер Юнайтед"да норози ўйинчилар борки, улар жамоа ғалаба қозонишини мураббийнинг тактик ғалабаси эмас, балки маҳорат ёки омад туфайли деб ҳисоблайди.
"Бу сафар омадимиз келди, аммо кейинги сафар бундай бўлмаслиги мумкин", деди кийиниш хонасидаги футболчилардан бири.
