"Барселона" вингери Ламин Ямал испан футболида муҳокама қилинаётган ҳакамлик даражаси каби мавзу бўйича фикр билдирди.
Ямал "Реал" ва Ла Лиганинг бошқа топ-клубларига ҳакамлардан шикоят қилмасликни маслаҳат берди.
"Биз "Хетафе"га қарши ўйнаганимизда, ҳакам Кундени тортиб қилишгани учун пенальти бермаган эди, "Райо Вальекано" билан ўтган ўйинда эса Мартинес билан шундай вазиятда пенальти олдик. Менимча, "Барселона," "Реал" ва "Атлетико" ҳакамлардан шикоят қилмаслиги керак, чунки ҳакамнинг ҳар бир қарори кўп муҳокама қилинади. Ҳакамлар менинг фикримча қўлларидан келганча ҳаракат қилишади. "Леганес" ёки "Алавес" каби жамоалар ҳам баҳсли қарорларга дуч келиши мумкин, аммо улар ҳақида гапирилмайди," - дея Ямалнинг сўзларини келтиради Mundo Deportivo.
