"Рома" ҳужумчиси Пауло Дибала фаолиятини Саудия Арабистони чемпионатида давом эттириши мумкин. Бу ҳақда Todofichajes портали саҳифаларида маълум қилинди.
Манбага кўра, аргентиналик ҳужумчини "Ал-Қодисия" ўз сафига қўшиб олмоқчи. Клуб Дибалага уч йиллик 75 миллион евролик меҳнат шартномасини таклиф қилмоқда. Пауло қулай шартларни қабул қилиб, Яқин Шарққа йўл олиши мумкин.
А Сериянинг жорий мавсумида 31 ёшли аргентиналик 21 та учрашув ўтказиб, 6 та гол урди ва 2 та голли узатмани амалга оширди.













