Ҳужумчи Эрлинг Холанд яқинда "Манчестер Сити" билан 2034 йилнинг ярмигача мўлжалланган янги шартнома имзолади. Шу билан бирга, норвегиялик футболчи трансферлар оламидаги янгиликларда кўзга ташланишда давом этмоқда.
Todofichajes порталининг ёзишича, Холандни келаси ёзда "Реал" ўз сафига қўшиб олиши мумкин. Мадридликлар Винисиус Жуниорни сотиб юборса, норвегиялик номзодига мурожаат қилади. "Қаймоқранглилар" бразилиялик футболчи билан шартномани узайтирмоқчи, аммо маош борасида ҳозирча келиша олмаяпти. Агар музокаралар муваффақиятли якунланмаса, Винисиус 250 миллион еврога сотилиши мумкин.
Бундай трансфер Эрлинг Холанд учун "Реал" эшикларини очади. Норвегиялик ҳужумчининг трансфери амалга ошса, Мбаппе қанот ҳужумига ўтиши мумкин.
