Hujumchi Erling Xoland yaqinda "Manchester Siti" bilan 2034 yilning yarmigacha mo‘ljallangan yangi shartnoma imzoladi. Shu bilan birga, norvegiyalik futbolchi transferlar olamidagi yangiliklarda ko‘zga tashlanishda davom etmoqda.

Todofichajes portalining yozishicha, Xolandni kelasi yozda "Real" o‘z safiga qo‘shib olishi mumkin. Madridliklar Vinisius Juniorni sotib yuborsa, norvegiyalik nomzodiga murojaat qiladi. "Qaymoqranglilar" braziliyalik futbolchi bilan shartnomani uzaytirmoqchi, ammo maosh borasida hozircha kelisha olmayapti. Agar muzokaralar muvaffaqiyatli yakunlanmasa, Vinisius 250 million yevroga sotilishi mumkin.

Bunday transfer Erling Xoland uchun "Real" eshiklarini ochadi. Norvegiyalik hujumchining transferi amalga oshsa, Mbappe qanot hujumiga o‘tishi mumkin.