"Селтик" дарвозабони Каспер Шмейхель Чемпионлар лигаси плей-офф босқичи жавоб учрашувида "Бавария" билан дуранг (1:1) ҳақида фикр билдирди. Шотландия жамоаси қўшиб берилган вақтда гол ўтказиб юборди ва умумий ҳисобда турнирдан чиқиб кетди.
"Футбол шафқатсиз бўлиши мумкин: шунинг учун биз уни яхши кўрамиз ва шунинг учун биз уни ёмон кўрамиз. Туйғулар аралаш, аммо майдонни тарк этаётган пайтда умидсизлик устунлик қилди. Вақт ўтиб, бу ўйинни Чемпионлар лигасининг жорий мавсумидаги барча ўйинлари билан бирга таҳлил қилсак, ўйлайманки, бизда фахрланадиган нарса бўлади", — дея Шмейхелнинг сўзларини келтиради УEФА матбуот хизмати.
