Мадриднинг "Реал" клуби раҳбарияти жамоа ярим ҳимоячиси Жуд Беллингемнинг дисквалификацияси бўйича апелляция беради. Бу ҳақда «Marca» хабар бермоқда.

Аввалроқ, 21 ёшли хавбек Испания чемпионатининг 24-туридан ўрин олган "Осасуна"га (1:1) қарши ўйинда четлатилгани учун 2 та ўйинга дисквалификация қилингани маълум бўлганди.

Манбага кўра, "Реал"дагилар бу қарорга қўшилмаяпти, чунки уларнинг фикрича, Беллингем ҳакамни ҳақорат қилмаган.

Жорий мавсумда футболчи барча мусобақаларда 33 та ўйинда майдонга тушиб, 11 марта рақиблар дарвозасини ишғол қилди ва 10 та ассистни ўз ҳисобига ёздириб қўйди.