"Ювентус" ҳужумчиси Тимоти Веа Чемпионлар Лигаси плей-оффининг жавоб ўйинида "ПСВ"дан учралган мағлубият (1:3) ҳақида фикр билдирди.
"Менимча, улар тажовузкорроқ ўйнашди, бизга тажовузкорлик ва "очлик" етишмади. ПСВ бу ўйинга экстремал кайфиятда ёндашди. Лекин биз яна ўйинга қайтишимиз керак. Бизда ёш жамоа бор, ўсиш учун имконият бор, лекин биз маълум нарсалар устида ишлашимиз керак.
Гол киритиб, ташаббусни қўлга олдик, аммо улар ҳам дарҳол гол уришди. Мудофаада нимадир етишмади. Улар устунликни қўлга киритишди, биз эса етарлича яхши ўйнамадик. Ишлаймиз ва кейинги Чемпионлар Лигасига чиқиш учун қўлимиздан келганини қиламиз," - дея Веанинг сўзларини келтиради УEФА матбуот хизмати.
