“Ювентус” бош мураббийи Тьяго Мотта "ПСВ"дан учралган мағлубиятдан сўнг (1:3) журналистлар саволларига жавоб берди. Нидерландия жамоаси умумий 4:3 ҳисобида зафар қучди.
"Иккинчи бўлимда кураш олиб бордик, ҳисобни тенглаштирдик, аммо ушлаб қола олмадик. "ПСВ" танаффусга қадар босим ўтказди, аммо ҳаммаси назорат остида эди.
Биз тажовузкор ҳужум қиладиган сифатли жамоага қарши туришимизни билардик.
Ўтказиб юборилган учта голдан иккитасини қабул қилиб бўлмасди.
Биз бу даражада рақобатбардош бўлиш учун анча яхши ўйнашимиз керак", - дея Моттанинг сўзларини келтиради Football Italia.
