"Андерлехт" ва "Фенербахче" Европа Лигаси плей-офф босқичи жавоб ўйинида дуранг қайд этди - 2:2.
Учрашувнинг 4-дақиқасида Юссеф Эн-Несири туркларни олдинга олиб чиқди. Бир неча дақиқадан сўнг майдонда мухлисларнинг хатти-ҳаракатлари туфайли жанжал бошланди.
15 дақиқадан сўнг ўйин давом эттирилди. Мезбонлар ҳужумчиси Луис Васкес биринчи бўлим ўрталарида ҳисобни тенглаштирди. Иккинчи бўлим бошида у дубль қайд этди. 63-дақиқада Юсуф Акчичек меҳмонларнинг иккинчи голини урди.
Биринчи ўйинда "Фенербахче" йирик ҳисобда ғалаба қозонган (3:0), шунинг учун икки ўйин натижасига кўра Европа Лигаси 1/8 финалига йўл олди. Қуръа 21 февраль, жума куни бўлиб ўтади.
