"Ньюкасл" дарвозабони Мартин Дубравка клуб билан янги шартнома имзолаганидан сўнг ўз фикрлари билан ўртоқлашди. Олдинроқ "магпийлар" матбуот хизмати 36 ёшли футболчи жамоа билан янги шартнома имзолагани ҳақида хабар берганди.
"Бу ерда қолишимни узайтирганимдан жуда хурсандман. Мураббий ва спорт директори билан жуда ижобий суҳбатлашдим ва ҳаммамиз шу ерда қолганим яхшироқ бўларди, деган фикрга келдик", деди Дубравка.
Дубравка 2018 йилда "Ньюкасл"га келиб қўшилганди.













