"Манчестер Сити" устози Хосеп Гвардиола Чемпионлар Лигаси йўлланмаси учун кураш ҳақида фикр билдирди.
"Шаҳарликлар" Премьер-лига чемпионлик пойгасида иштирок этмаяпти: якшанба кунги ўзаро ўйин олдидан пешқадам "Ливерпуль" билан орадаги фарқ 17 очкони ташкил этмоқда. Айни пайтда "Сити" тўртинчи ўринда бормоқда.
"Чемпионлар лигасига чиқиш катта ютуқ бўлади. Бу ақл бовар қилмайдиган иш бўлади, лекин мен жуда ижобий кайфиятдаман. Мен жуда ижобий инсонман - ҳар қандай вазиятда ижобий томонни кўраман.
Мен аҳмоқман ва ҳақиқий аҳволни кўрмаяпман, демоқчи эмасман, лекин ижобий кайфиятдаман. Олдинда яна уч ой бор, биз Чемпионлар Лигасига чиқмоқчимиз", - деди испаниялик мутахассис.
