"Барселона" ҳимоячиси Эрик Гарсия "Лас-Пальмас"га (2:0) қарши ўйиннинг танаффусида бош мураббий Ханс-Дитер Фликнинг кўрсатмасини маълум қилди.
Жамоалар биринчи бўлимда голлар билан мухлисларни хурсанд қила олмади. Учрашувнинг 62-дақиқасида ҳисоб очилди: иккинчи бўлимда захирадан майдонга тушган Дани Ольмо меҳмонларни олдинга олиб чиқди. 95-дақиқада Ферран Торрес ғолиб ҳақидаги саволларни олиб ташлади.
"Тўп узатишларда жуда ноаниқ ҳаракат қилдик, кўплаб нуқсонларга йўл қўйдик, майдонда нотўғри жойлашдик. Танаффусда баъзи нарсаларни тузатишга тўғри келди. Мураббий бошқача тўп узатиш, позицияни бошқача танлаш ва камроқ тўп йўқотишни сўради. Иккинчи бўлимда ҳаммаси анча яхши бўлди," - дея Гарсиянинг сўзларини келтиради "Barca Universal".
