"Бавария" "Ливерпуль" марказий ҳимоячиси Виржил ван Дейкни ўз сафига қўшиб олмоқчи, деб хабар беради TBR Football.
Манбага кўра, ван Дейк "Ливерпуль"да қолиши мумкин, аммо ҳозирча ҳар икки томонни қониқтирадиган бирорта ҳам таклиф йўқ. Аввалроқ ван Дейк ва унинг атрофидагилар бошқа клубларнинг таклифларини жиддий қабул қилмаган бўлса-да, ҳимоячига бўлган қизиқиш тобора ортиб бормоқда.
Қайд этилишича, ёзда ван Дейкни текинга қўлга киритмоқчи бўлган клублар орасида "Реал," "Атлетико," "Бавария," "ПСЖ" ва "Ювентус" бор. Шунингдек, вазиятни Саудия Арабистони ва МЛС клублари ҳам кузатиб бормоқда.
Нидерландиялик футболчининг мерсисайдликлар билан шартномаси ёзгача мўлжалланган.
