“Тобол” ҳужумчиси Давид Энен Қозоғистон Премьер-лигаси клублари инфратузилмаси пастлигини қайд этди.
"Жадвалнинг иккинчи ярмидаги жамоаларга қарши ўйинларда бизга қийин бўлганини сезгандирсиз. Бундай шароитда топ футболчилар билан бир хил натижаларга эришиш деярли имконсиз", деди футболчи Meta-ratings.kz сайтига берган интервьюсида.
28 ёшли тоголик футболчи Англияда “Эвертон”да, шунингдек, футбол инфратузилмаси бошқа даражада бўлган Греция, Франция ва Бельгия клубларида тўп тепган.
Эненнинг фикрича, қозоқ футболи учун асосий муаммо ҳамон майдонларнинг ҳолати бўлиб турибди.
